เกาะสมุย
( ကော့စမွီကျွန်း )ကော့စမွီကျွန်း သည် ထိုင်းနိုင်ငံ အရှေ့ဘက်ကမ်းရိုးတန်း အလွန်ရှိ ကျွန်းတစ်ကျွန်း ဖြစ်သည်။ ပထဝီဝင်အားဖြင့် ချွမ်ဖုံကျွန်းစုတွင် တည်ရှိပြီး ဆူရတ်ဌာနီပြည်နယ်တွင် ပါဝင်သည်။ ၂၀၁၂ ခုနှစ်တွင် ကော့စမွီ အား စည်ပင်သာယာ နယ်နိမိတ် အဆင့် သတ်မှတ်ပေးခဲ့ပြီး ယခုအခါတွင် ဒေသတွင်း ကိုယ်ပိုင်အုပ်ချုပ်ရေး ရှိသည်။ ကော့စမွီကျွန်းသည် ၂၂၈.၇ စတုရန်း ကီလိုမီတာ (၈၈.၃ စတုရန်းမိုင်) ရှိသဖြင့် ထိုင်းနိုင်ငံတွင် ဖူးခက်ကျွန်း ပြီးလျှင် ဒုတိယမြောက် အကြီးဆုံးကျွန်း ဖြစ်သည်။၂၀၀၈ ခုနှစ်တွင် ကမ္ဘာလှည့် ခရီးသည် ၂.၇ သန်း လာရောက် လည်ပတ်ခဲ့သည်။
လွန်ခဲ့သည့် ၁၅ရာစခန့်ကတည်းက ဤကျွန်းတွင် မလေးကျွန်းဆွယ်နှင့် တရုတ်တောင်ပိုင်းမှ တံငါသည်များအခြေချနေထိုင်ခဲ့ကြောင်းတွေ့ရှိရသည်။ ၁၆၈၇ခုနှစ် တရုတ်မြေပုံများတွင် ပူလိုကော်နမ်အမည်ဖြင့် ဖော်ပြထားသည်ကိုလည်း တွေ့ရှိရသည်။
စမွီဟူသော အမည်၏မူလအစကိုမသိရသေးပါ။ ၎င်းသည် 'ပင်လယ်ရာသီဥတု' ဟုအဓိပ္ပာယ်ရသော Sanskrit- တမီးလ်စကားလုံး สมวย မှဆင်းသက်လာနိုင်သည်။ သို့မဟုတ် ၎င်းသည်ထိုင်းနိုင်ငံတောင်ပိုင်းတွင် ต้นหมุย (နာမည်အပြည့်အစုံต้นสมุย) ဟု အများသိသောသစ်ပင်၏ အမည်မှ ဆင်းသက်လာနိုင်သည်။ တတိယဖြစ်နိုင်ခြေမှာ စမွီကျွန်းသို့ ရောက်ရှိခဲ့ဖူးသည့် အစောပိုင်းဟိုင်နန်ကုန်သည်များထံမှ ဖြစ်နိုင်သည်။ ဟိုင်နန်တရုတ်ဘာသာစကားတွင် เซ่าบ่วย သည် 'ပထမကျွန်း'၊ 'အတားအဆီး' သို့မဟုတ် 'ဂိတ်' သို့မဟုတ် စာသားအရ 'လှပသောကမ်းခြေ' ကိုဆိုလိုသည်။ ၎င်းတို့အတွက် ထိုင်းနိုင်ငံနှင့် ကူးလူးဆက်ဆံရာတွင် ပထမဆုံးသော ဆိပ်ကမ်းဖြစ်သောကြောင့်၎င်းအမည်ဖြစ်လာခဲ့ပြီး အချိန်ကြာလာသည်နှင့်အမျှ สมุย သို့ပြောင်းလဲလာခဲ့သည်။ လူအချို့က“ samui” ဟူသောစကားလုံးသည်မလေးစကားလုံး saboey (သို့) 'လုံခြုံသောခိုလှုံရာ' မှဆင်းသက်လာသည်ဟုယုံကြည်ကြသည်။ ဤသီအိုရီများထဲမှမည်သည့်အခိုင်အမာအတည်ပြုချက်မျှမရှိပါ။ ကော့ ဆိုသည်မှာ ထိုင်းဘာသာဖြင့် ကျွန်း ဟူ၍ အဓိပ္ပာယ်ရသည်။
၂၀ ရာစုနှောင်းပိုင်းအထိ ကော့စမွီသည်ထိုင်းနိုင်ငံပြည်မကြီးနှင့်ဆက်သွယ်မှုနည်းပါးသောသီးခြားရပ်တည်နိုင်သည့်ရပ်ရွာတစ်ခုဖြစ်ခဲ့သည်။ ၁၉၇၀ ပြည့်နှစ်အစောပိုင်းအထိကျွန်းသည် လမ်းများမရှိဘဲ ကျွန်းတစ်ဖက်မှအခြားတစ်ဖက်သို့ ၁၅ ကီလိုမီတာ (၉.၃ မိုင်) ရှိသည့် ခရီးဖြစ်ပြီး တောင်တန်းအလယ်ပိုင်းတောတောင်များတစ်လျှောက်ဖြတ်သန်း၍ တစ်နေကုန်ခရီးနှင်ရသည်။ ကော့စမွီကျွန်း၏ စီးပွားရေးသည်ယခုအခါအဓိကအားဖြင့် အောင်မြင်သောခရီးသွားလုပ်ငန်းပေါ်တွင် ရပ်တည်နေသည်သာမက အုန်းနှင့်ရော်ဘာတင်ပို့ခြင်းလည်း လုပ်ကိုင်ကြသည်။
စီးပွားရေးတိုးတက်မှုသည်သာယာဝပြောမှုသာမကကျွန်း၏ပတ်ဝန်းကျင်နှင့်ယဉ်ကျေးမှုကိုပါကြီးမားသောပြောင်းလဲမှုများဖြစ်စေခဲ့သည်။
မှတ်ချက်အသစ် ရေးရန်