ကာကာဒူး အမျိုးသားဥယျာဉ် သည် ဩစတြေးလျနိုင်ငံ မြောက်ဩစတြေးလျပြည်နယ်ရှိ ထိန်းသိမ်းစောင့်ရှောက်ထားသော နယ်မြေ တစ်ခု ဖြစ်ပြီး ဒါဝင်မြို့ ၏ အရှေ့တောင်ဘက် ၁၇၁ ကီလိုမီတာ အကွာတွင် တည်ရှိသည်။

ထိုဥယျာဉ်သည် မြောက်ဩစတြေးလျပြည်နယ် အယ်လီဂေတာ ရေးဗား ဒေသအတွင်း တည်ရှိသည်။ အကျယ်အဝန်း အနေနှင့် ၇,၆၄၆ စတုရန်းမိုင် (၁၉,၈၀၄ စတုရန်းကီလိုမီတာ) မျှ ရှိပြီး မြောက်မှတောင်သို့ ၂၀၀ ကီလိုမီတာခန့်မျှ ရှည်လျားပြီး အရှေ့မှ အနောက်သို့ ၁၀၀ ကီလိုမီတာကျော်မျှ ရှည်လျားသည်။ ထိုဥယျာဉ်၏ အကျယ်အဝန်းမှာ ဆလိုဗေးနီးယားနိုင်ငံ၏ အကျယ်အဝန်းမျှ ရှိပြီး တက်စမေးနီးယားကျွန်း၏ ၃ ပုံ ၁ပုံမျှ သို့မဟုတ် ဆွစ်ဇာလန်နိုင်ငံ၏ တစ်ဝက်မျှ ရှိသည်။ ကမ္ဘာပေါ်တွင် ယူရေနီယမ် အများဆုံး ထွက်သော ရိန်းဂျား ယူရေနီယံတွင်းအား ဥယျာဉ်မှ ဝိုင်းပတ်ထားသည်။