ဂျမ်ရှိ ဗလီမျှော်စင်

Description

ဂျမ်ရှိ ဗလီမျှော်စင် သည် အာဖဂန်နစ္စတန်နိုင်ငံ အနောက်ပိုင်းတွင် တည်ရှိသော ယူနက်စကို ကမ္ဘာ့အမွေအနှစ်နေရာ တစ်ခု ဖြစ်သည်။ ၎င်းသည် ဝေးလံခေါင်းပါးပြီး သွားလာရန် ခက်ခဲသော ဂေါပြည်နယ်၊ ရှားရက်ခရိုင် ရှိ ဟာရီမြစ်နံဘေးတွင် တည်ရှိသည်။ ၆၅-မီတာ (၂၁၃-ပေ) or ၆၂-မီတာ (၂၀၃-ပေ) မြင့်သော ဗလီမျှော်စင် အား ၁၁၉၀ ခုနှစ် ခန့်တွင် တည်ဆောက်ခဲ့ပြီး ဖုတ်ထားသော အုတ်များဖြင့်သာ တည်ဆောက်ထားကာ ရှုပ်ထွေးသော အုတ်၊ သရွတ်နု နှင့် စဉ့်ရည်သုတ်ပြားများဖြင့် အလှဆင်ထားခြင်းကြောင့် ကျော်ကြားသည်။ ကူဖစ် နှင့် နပ်စခီ လက်ရေးအလှများ၊ ဂျီဩမေတြီ ပုံစံများ နှင့် ကိုရမ်ကျမ်းမှ စာပိုဒ်များ ပါဝင်သည်။ ၂၀၀၂ ခုနှစ်မှစ၍ ဗလီမျှော်စင်သည် ပျောက်ပျက်ရန် စိုးရိမ်ရသော ကမ္ဘာ့အမွေအနှစ်နေရာများ စာရင်းတွင် ပါဝင်ခဲ့ပြီး မြေသားပြုန်းတီးမှု၏ ခြိမ်းခြောက်မှုကို ပြင်းထန်စွာ ခံစားနေရပြီး ဂရုတစိုက် ထိန်းသိမ်းထားမှုလည်း မရှိခြင်းကြောင့် ဖြစ်သည်။ ၂၀၁၄ ခုနှစ်တွင် ဘီဘီစီ သတင်းဌာနမှ ထိုမျှော်စင်သည် အချိန်မရွေး ပြိုကျသွားနိုင်ကြောင်း အစီရင်ခံ တင်ပြခဲ့သည်။