Polska
ပိုလန်နိုင်ငံContext of ပိုလန်နိုင်ငံ
ပိုလန်နိုင်ငံ (တရားဝင်အခေါ်အားဖြင့် ပိုလန်သမ္မတနိုင်ငံ) သည် ဥရောပအလယ်ပိုင်းတွင် ရှိသော နိုင်ငံတစ်နိုင်ငံဖြစ်သည်။ အနောက်ဘက်တွင် ဂျာမနီနိုင်ငံ၊ တောင်ဘက်တွင် ချက်သမ္မတနိုင်ငံနှင့် ဆလိုဗက်ကီးယားနိုင်ငံ၊ အရှေ့ဘက်တွင် ယူကရိန်းနိုင်ငံ၊ ဘီလာရုဇ်နိုင်ငံ နှင့် လစ်သူယေးနီးယားနိုင်ငံ၊ မြောက်ဘက်တွင် ဘော်လကန်ပင်လယ်၊ ရုရှားနိုင်ငံမှ ကာလီနင်ဂရင် အုပ်ချုပ်ရေးဒေသ တို့ တည်ရှိကြသည်။ ဧရိယာ အကျယ်အဝန်းမှဦ ၃၁၂,၆၇၉ စတုရန်း ကီလိုမီတာ (၁၂၀,၇၂၆ စတုရန်းမိုင်) ဖြစ်ပြီး ကမ္ဘာပေါ်တွင် ၆၉ခုမြောက် အကြီးဆုံးနိုင်ငံ ဖြစ်ကာ ဥရောပတွင် နဝမမြောက် အကြီးဆုံး နိုင်ငံ ဖြစ်သည်။ ပိုလန်တွင် လူဦးရေ ၃၈ သန်းမျှ ရှိသဖြင့် ကမ္ဘာပေါ်တွင် ၃၄ ခုမြောက် လူဦးရေ အများဆုံးနိုင်ငံဖြစ်ပြီး ဥရောပသမဂ္ဂ အဖွဲ့ဝင်နိုင်ငံများ တွင် ဆဋ္ဌမမြောက် လူဦးရေ အများဆုံး နိုင်ငံဖြစ်သည်။ ကွန်မြူနစ်စနစ် အလွန် နိုင်ငံများတွင် လူဦးရေ အများဆုံးသော နိုင်ငံလည်း ဖြစ်သည်။