အာတိတ်စက်ဝိုင်း သည် ဝင်ရိုးစွန်းစက်ဝိုင်း ၂ ခုမှ တခုအပါဝင်ဖြစ်ပြီး ကမ္ဘာမြေပုံ၏ မြောက်ဘက်ပိုင်းအကျဆုံး နယ်မြေဖြစ်သည်။ တောင်ဘက်ခြမ်းတွင် အန္တာတိတ်စက်ဝိုင်း တည်ရှိသည်။
အာတိတ်စက်ဝိုင်း၌ December solstice တွင် တနှစ်တာ၏ နေ့တာအတိုဆုံးဖြစ်ပြီး နေသည် တနေ့ခင်းလုံး မထွက်လာပေ။ June solstice တွင် နေ့တာအရှည်ဆုံးဖြစ်ပြီး နေသည် တနေ့တာလုံး မဝင်တော့ပေ။ ယင်းကဲ့သို့သော ဖြစ်ရပ်များကို ဝင်ရိုးစွန်းည (polar night) ဟူ၍လည်းကောင်း၊ သန်းခေါင်းယံ နေ (midnight sun) ဟူ၍လည်းကောင်း အသီးသီးခေါ်ဆိုကြသည်။
အာတိတ်စက်ဝိုင်း၏ တည်နေရာသည် ပုံသေမဟုတ်ဘဲ လက်ရှိတွင် အီကွေတာ၏ မြောက်ဘက် 66°33′49.2″ တွင် ရောက်ရှိနေသည်။ ယင်း၏ လတ္တီကျုသည် ကမ္ဘာ၏ မိမိဝင်ရိုးပေါ်တွင် တိမ်းစောင်းမှုပေါ်၌ မူတည်သည်။ ယင်းတိမ်းစောင်းမှုသည်လည်း လကမ္ဘာ၏ ပတ်လမ်းမှ ဒီရေအားကြောင့် နှစ်ပေါင်း ၄၁၀၀၀ ကြာလျင် ၂ ဒီဂရီအထက် အပြောင်းအလဲဖြစ်ပေါ်ခြင်းနှင့် ဆက်စပ်လျက်ရှိသည်။ ရလဒ်အနည်ဖြင့် အာတိတ်စက်ဝိုင်းသည် တနှစ်လျင် ၁၄.၅ m (၄၈ ft) နှုန်းဖြင့် မြောက်ဘက်သို့ ရွေ့လျားလျက်ရှိသည်။
မှတ်ချက်အသစ် ရေးရန်