Урмија (персиски: دریاچه ارومیه, Daryache-ye Orumiye, азерски: Urmu gölü اورمو گؤلو, ерменски: Ուրմիա Լիճ, Урмија Лиѕ; во антиката: Матиена) е солено езеро во северозападен Иран во близина на границата со Турција. Езерото се наоѓа помеѓу провинциите Источен Азербејџан и Западен Азербејџан, западно од јужниот дел на Каспиското Море. Тоа е најголемо езеро во внатрешноста на Иран и второ солено езеро во светот. Има површина од 5.200 км². Долго е 140 км, а широко 55 км. Најголемата длабочина е околу 16 м.