Außenalster

( Аусеналстер )

Description

Аусеналстер или Надворешен Алстер е едно од двете вештачки езера во рамките на градот Хамбург, Германија, кое е создадено од реката Алстер (другото е Биненалстер). Големината на Аусеналстер е 1,6 км².

Фразата „надворешен“ се однесува на старите градски ѕидини на Хамбург. Аусеналстер бил дел од езерото, кое било „надвор“ од градските ѕидини. Денес, градските ѕидини не постојат, наместо два патнички и жечезнички моста, Lombardbrücke и Kennedybrücke, кои се протегаат над реката.

Аусеналстер е користено од жителите на Хамбург за рекреациски активности, како што се едрење и веслање. Скоро сите брегови на Аусеналстер се јавни. Бреговите се опкружени од мали делови до големи јавни паркови (Алстерфорланд). Многу е популарно да се трча околу езерото (околу 7 километри).