Суда́н (араб. السودان‎‎, англ. Sudan), толук аталышы — Судан Республикасы (араб. جمهورية السودان‎‎ (Джумхурийат ас-Судан), англ. Republic of Sudan) — Африка континентиндеги мамлекет. Түндүктө Египет, түндүк-батышта Ливия, батышта Чад, түштүк-батышта Борбордук Африка Республикасы, түштүктө Түштүк Судан, түштүк-чыгышта Эритрея жана Эфиопия менен чектешет. Түндүк-чыгышында Кызыл деңиздин суулары менен жуулат. Борбору шаары – Хартум. Суданга жана Түштүк Суданга бөлүнгөнгө чейин территориясы боюнча эң чоң африкалык өлкө болгон (аянты 2530397 км2), азыр Конго Демократиялык Республикасы менен Алжирден кийин үчүнчү орунда турат.