Lîsabon an jî Lîzbon (bi portûgalî: Lisboa) mezintirîn bajar û paytexta Portûgalê ye.

Wekî mezintirîn bajar û xwedî giringtirîn keştîgeha welêt, mezintirîn wezaret û daîreyên dewletê, xwedî şeş zanîngeh û akademiya zanistê, Lîsabon navenda polîtîk, aborî û çandî ya Portûgalê ye. Li gor serjimêra 2005'a hejmara niştecihên bajêr 517.802 e, lê li derdorê bajêr (Área Metropolitana de Lisboa) li gor statistikên 2001'ê 2.683.000 mirov dijîn û bi vê yekê 25 % ji gelê Portûgalê li Lîsabonê û derdora wê bicihin.