ប្រទេសព័រទុយកាល់ ដោយមានឈ្មោះជាផ្លូវការថា សាធារណរដ្ឋព័រទុយកាល់ (ភាសាព័រទុយហ្កាល់៖ República Portuguesa) គឺជាប្រទេសមួយស្ថិតនៅលើឧបទ្វីបអ៊ីបេរីនៃប៉ែកអឺរ៉ុបនិរតី។ វាជាប្រទេសភាគខាងលិចបំផុតនៅអឺរ៉ុបដីគោក ហើយមានព្រំដែនខាងលិច និងខាងត្បូងជាប់មហាសមុទ្រអាត្លង់ទិក និងខាងជើងហើយកើតព័ទ្ធដោយប្រទេសអេស្ប៉ាញ។ ប្រទេសនេះមានប្រជុំកោះចំនួនពីរគឺកោះម៉ាឌីរ៉ា និងអាហ្សូស ហើយប្រជុំកោះទាំងពីរនេះត្រូវជាតំបន់ស្វយ័តដោយមានរដ្ឋាភិបាលតាមតំបន់រៀងៗខ្លួន។ ភាសាផ្លូវការ និងភាសាជាតិគឺ ភាសាព័រទុយហ្កាល់។ លីស្បោនគឺជារដ្ឋធានី និងជាទីក្រុងធំជាងគេនៃប្រទេសព័រទុយកាល់។