სუზა (სპარს. شوش — შუშა, ებრ. שושן შუშანი) — ანტიკური ქალაქი ირანში, რომელიც მდებარეობს ზაგროსის მთიანეთის ძირში, მდინარე ტიგროსიდან აღმოსავლეთით 250 კილომეტრში, მდინარე კერხესა და დეზს შორის. ამ უძველესი ქალაქის ადგილას დღეს მდებარეობს ქალაქი შუშა, რომელიც არის შუშის ოლქის დედაქალაქი, ირანში, ხუზისტანის ოსტანში (პროვინციაში). 2005 წლის მონაცემებით მისი მოსახლეობა შეადგენს 64 960 ადამიანს.

2015 წლის 4 ივლისს ქალაქი შეიტანეს იუნესკოს მსოფლიო მემკვიდრეობის ძეგლების სიაში.