სუ-ნურაკსი (სარდ. Su Nuraxi)— ნურაგული (მეგალითური ნაგებობა) არქეოლოგიური ძეგლი იტალიის კუნძულ სარდინიაზე, ბარუმინის კომუნაში. 1997 წლიდან შესულია იუნესკოს მსოფლიო მემკვიდრეობის ძეგლთა სიაში.

კომპლექსის ცენტრში მდებარეობს ძვ. წ. XVI საუკუნით დათარიღებული სამსართულიანი კოშკი. ამ ადგილას, იტალიელმა არქეოლოგმა ჯიოვანი ლილიუმ აღმოაჩინა თავდაცვითი სოფელი, რომელიც მიწით იყო დაფარული და ბორცვს წარმოადგენდა. პირველი გათხრები მან 1950-იან წლებში ჩაატარა. ძეგლი მნიშვნელოვანია სარდინიული ცივილიზაციის კვლევის თვალსაზრისით.