რივერსლეი (ინგლ. Riversleigh) — ავსტრალიის ყველაზე ცნობილი ნამარხი ტერიტორია ჩრდილო-დასავლეთ კვინზლენდში. 100 კმ² ფართობის ტერიტორია მოიცავს უძველეს ძუძუმწოვართა, ფრინველთა და რეპტილიათა ნამარხებს ოლიგოცენისა და მიოცენის ხანებიდან. 1994 წელს ძეგლი იუნესკოს მსოფლიო მემკვიდრეობის ძეგლთა სიაში შევიდა. რივერსლეის ნამარხები უიშვიათესია, რადგან ისინი მოიპოვება მტკნარი წყლის კირქვებში, რომლებიც შეკუმშული არაა, რაც იმას ნიშნავს, რომ ცხოველები ინარჩუნებენ თავიანთ სამგანზომილებიან სტრუქტურას.