პეტრონასის კოშკები ან პეტრონასის ტყუპი კოშკები (მალაიური: Menara Petronas, ან Menara Berkembar Petronas) — ტყუპი ცათამბჯენი მალაიზიის დედაქალაქ კუალა-ლუმპურში. წარსულში წარმოადგენდა მსოფლიოს ყველაზე მაღალი შენობებს, სანამ 2004 წელს მათ ტაიპეი 101–მა არ გაასწრო. თუმცა ისინი რჩებიან მსოფლიოს ყველაზე მაღალ ტყუპ შენობებად. პეტრონასის კოშკების აშენება 800 მილიონი აშშ დოლარი დაჯდა. ცათამბჯენებში მოთავსებულია ოფისები, საკონფერენციო დარბაზები და გალერეები. ორივე შენობა ერთად იკავებს 40 ჰექტარს. ისინი ერთმანეთთან დახურული ხიდით არიან შეერთებულნი. დღესდღეობით პეტრონასის კოშკებში მუშაობს 10 000 ადამიანი.