იურული სანაპირო (ინგლ. Jurassic Coast) — იუნესკოს მსოფლიო მემკვიდრეობის ძეგლი ინგლისის არხში, სამხრეთ ინგლისის სანაპიროზე. გადაჭიმულია ქალაქ იქსმუტიდან ქალაქ სუანაგემდე, 153 კმ-ის სიგრძეზე. 2001 წლიდან წარმოადგენს გაერთიანებული სამეფოს მეორე მთლიანად ბუნებრივ მემკვიდრეობის ძეგლს.

სანაპირო მოიცავს მეზოზოურ, იურულ და ცარცულ პერიოდში ჩამოყალიბებულ კლდეებს და მოწმეა გეოლოგიური ისტორიის 180 მილიონი წლისა. ტერიტორია წარმოსახავს ბუნებრივი რელიეფის ბრწყინვალე ნიმუშებს, მათ შორის ბუნებრივ თაღებს, უბეებს და კირქვის ნაოჭებს, ასევე კუნძულ პორტლანდს. განსხვავებული გეოლოგიური მახასიათებლების გამო, სანაპირო საერთაშორისო საველე სამუშაოების საგანს წარმოადგენს.

სანაპიროსა და მთლიანად სამხრეთ ინგლისის უმაღლესი წერტილია გოლდენ-კაპი (191 მ).