იუნგანის მღვიმეები (ჩინ. 云冈石窟) — უძველესი ბუდისტური ტაძარი-მღვიმეები ჩინეთის შანსის პროვინციაში, ქალაქ დატონგის სიახლოვეს. წარმოადგენს კლდეში ნაკვეთი არქიტექტურის შესანიშნავ ნიმუშებს და ჩინეთის ერთ-ერთ ყველაზე ცნობილ სკულპტურულ ძეგლს.
კომპლექსი შედგება 252 ხელოვნურად გამოკვეთილი გამოქვაბულისგან და მოიცავს ბუდას 51 000 ქანდაკებას, რომელთაგან ზოგიერთის სიმაღლე 17 მეტრს აღწევს. გამოქვაბულები ძირითადად ახ.წ. 460 - 525 წლებში, ჩრდილოეთ ვეის დინასტიის პერიოდში აიგო, როდესაც ჩინურმა ბუდიზმმა აღმასვლა დაიწყო.
2001 წელს, იუნესკომ იუნგანიმსოფლიო მემკვიდრეობის სიაში შეიტანა, როგორც „შედევრი ადრეული ჩინური ბუდიზმის მღვიმის ხელოვნებისა".
კომენტარის დამატება