ბრუქსის ქედი (ინგლ. Brooks Range) — ქედი ჩრდილოეთ ალასკაში. სიგრძე დაახლოებით 1000 კმ, სიგანე 200 კმ-მდე. საშუალო სიმაღლე 1500-2000 მეტრი, მაქსიმალური 2736 მეტრი (მთა ისტო). აგებულია ქვედაპალეოზოური კირქვებით, კვარციტებით, ფიქლებითა და ქვიშაქვებით. ღრმადაა დანაწევრებული მდინარეთა ხეობებით. განვითარებულია ძველი მყინვარული ფორმები. არის თანამედროვე პატარა მყინვარებიც. მცენარეულობა — მთის ტუნდრა; დამახასიათებელია ქვაყრილები და გაშიშვლებული კლდეები.