Սիմեն ազգային պարկ (անգլ.՝ Simien Mountains National Park), ազգային պարկ Եթովպիայում՝ Ամհարա շրջանում։
Ազգային պարկը հիմնադրվել է 1969 թվականին Եթովպական բարձրավանդակի հյուսիսային հատվածում տեղակայված 22 500 հա տարածքով Սիմենի լեռների յուրահատուկ բնության պահպանության համար։ Պարկի տարածքում գտնվում է Ռաս Դաշեն լեռը՝ Եթովպիայի ամենաբարձր գագաթը։ Լանդշաֆտի հիմնական տեսակներն են անապատները, կիսաանապատները, սավաննաները, ինչպես նաև ծառաձև հավամրգիով աֆրո-ալպիական բուսականություն։
Ազգային պարկի տարածքում բնակվում են նուբայի լեռնային այծ, եթովպական շնագայլ, ընձառյուծ, սերվալ և մի շարք գիշատիչ թռչուններ։
Պահպանվող տեսակների (եթովպական շնագայլ, աբիսիական լեռնային այծ, գելադա կապիկ) թվաքանակի անկման պատճառով 1996 թվականից մինչև 2017 թվականը գտնվել է ՅՈՒՆԵՍԿՕ Համաշխարհային ժառանգության վտանգված օբյեկտների ցանկի կազմում։
Ավելացնել նոր մեկնաբանություն