Վելես Բլանկոյի ամրոց (իսպ. Castillo de Vélez-Blanco), ամրոց է Վելես-Բլանկոյի մունիցիպալիտետում, Ալմերիայի շրջան, Անդալուզիայի ինքնավար մարզ, Իսպանիա։
Երբ Պեդրո Ֆախարդոն նշանակվեց Վելես-Բլանկոյի մարկիզ, անմիջապես սկսեց նոր կառույցի շինարարական աշխատանքները՝հին, արաբական միջնաբերդի հիմքի վրա։ Այն մարդկային ցեղի հնագույն բնակավայրերից մեկն է, որտեղ հայտնավերվել են հռոմեական մետաղադրամներ ու բազմաթիվ շինությունների մնացորդներ։
1931 թվականի՝ Իսպանիայի Ազգային Գեղարվեստական գանձարանի հրամանագրով գրանցվել է Պատմական Ժառանգության հուշարձանների ցանկում։
Ավերված ամրոցի հիմքի վրա շինարարական աշխատանքները սկսկել են 1506 թվականին։ Կառուցումն ավարտվել է 1515 թվականին։ Կառուցումից հետո ամրոցն ուներ գոթական ճարտարապետական ոճ, սակայն Վերածննդի ժամանակաշրջանում այն ձևափոխվել է և խորհրդանշել նոր ժամանակների մշակույթը։ Այսպիսի ձևափոխությունը, գոթական կառույցից անցումը քրիստոնեական ամրոց- պալատի, ժամանակի ազնվականների կողմից հումանիստական առաջընթացի հստակ օրինակ է։
Ամրոցը կազմված է երկու տարբեր կառույցներից, որոնցից մեկը հիմնական ամրոցն է՝վեցանկյուն տեսքով, իսկ երկրորդը՝ուղղղանկյուն կառույց է։ Երկու շինությունները միացված են կամարներով։
Ամրոցը Ֆախարդոյին է պատկանել մինչև 16-րդ դարի վերջը։ 19-րդ դարում՝ ֆրանսիական օկուպացիայի տարիներին ամրոցը անկում է ապրել։ Վերականգնվել է 20-րդ դարի երկրորդ կեսին, վերակառուցվել են նաև ամրոցի աշտարակները։
Ավելացնել նոր մեկնաբանություն