Վինձոր ամրոց (անգլ.՝ Windsor Castle), թագավորական նստավայր Վինձորում՝ Բերկշիրի կոմսություն, Անգլիա, գտնվում է Թեմզա գետի հովտում։ Ամրոցն առանձնանում է Բրիտանական թագավորական ընտանիքին իր երկարատև ծառայությամբ և իր ճարտարապետությամբ։ Ամրոցը կառուցվել է XI դարում, երբ նորմանները Վիլհելմ I Նվաճողի առաջնորդությամբ ներխուժեցին Անգլիա։ Որպես թագավորական նստավայր առաջին անգամ այն կիրառել է Անգլիայի թագավոր Հենրի I-ը։ Հենրիի ժամանակներից սկսած նրան հաջորդող միապետերի համար նույնպես այն ծառայել է որպես նստավայր։ Վինձոր ամրոցը Եվրոպայի ամենաերկար օկուպացված պալատն է։ Ամրոցի անվամբ է պայմանավորված Անգլիայի ներկայումս իշխող թագավորական դինաստիայի անվանումը` Վինձորների դինաստիա։