Pashtunistán (en paxto: پښتونستان; literalmente "terra de paxtos") é unha rexión histórica e xeográfica habitada polo pobo paxto e dividida entre as modernas Afganistán e Paquistán,, onde xurdiu a cultura, a linguae a identidade nacional paxta. Outros nomes empregados historicamente para a rexión inclúen "Pashtūnkhwā" (en paxto: پښتونخوا) e "Afghānistān" (en paxto: افغانستان), dende cando menos o século III d.C. en diante. Pashtunistán limita con Irán polo oeste, a rexión de Turquestán de fala persa e turca polo norte, Caxemira polo nordeste, o Punjab polo leste e Baluchistán polo sur. A rexión tamén recibe os noemes de Pakhtūnistān, Pathānistān ou Pashtūnkhwa.