As tumbas de Qutub Shahi están situadas no Ibrahim Bagh (recinto de xardíns), preto do famoso forte Golconda en Hyderabad, na India. Conteñen as tumbas e mesquitas construídas polos distintos reis da dinastía Qutub Shahi. As galerías dos túmulos máis pequenos son dun só piso mentres que as maiores son de dous pisos. No centro de cada tumba hai un sarcófago que cubre a bóveda do sepulcro real nunha cripta debaixo. As cúpulas foron cubertas orixinalmente con tellas azuis e verdes, das que agora só quedan algunhas pezas.

O complexo foi posto pola UNESCO na súa "lista provisional" para converterse en Patrimonio da Humanidade en 2014, xunto con outros. na rexión, baixo o nome de Monuments and Forts of the Deccan Sultanate (a pesar de haber unha serie de sultanatos diferentes).