Nürnberg (en alemán: Nürnberg [ˈnʏʁnbɛʁkʰ] , no dialecto fráncico: Nämberch), ás veces escrito en galego Núremberg, é unha cidade da rexión addministrativa da Franconia Media, no estado de Baviera, no sur de Alemaña. Atópase xunto ao río Pegnitz e ten unha poboación de 516.770 habitantes (2014).
É coñecida polo seu mercado de Nadal que durante catro semanas é visitado por máis de dous millóns de persoas. Asóciase tamén o seu nome aos xuízos contra os nacionalsocialistas no final da Segunda Guerra Mundial.
A súa historia remóntase a 1050. O seu centro histórico está rodeado por unha muralla medieval de máis de 5 km construída en 1325. Esta muralla foi aterceira que se construíu debido ao crecemento da súa poboación co paso dos anos e para garantir a seguridade da cidade, xa que nela custodiábanse as reliquias e xoias imperiais entre 1424 e 1796.
En 1934, o Partido Nazi celebra o seu Congreso Partidario do Reich. Estas imaxes pódense ver no filme Triumph des Willens de Leni Riefenstahl, co cal se marca o apoxeo da propaganda nazi.
No transcurso da II Guerra Mundial, foi bombardeada polos británicos o 13 de outubro de 1941 e trala propia guerra os aliados celebraron os xuízos de Nürnberg para xulgar ós dirixentes alemáns capturados.
Engadir un novo comentario