Dubrovnik

Description

Dubrovnik (en croata pronunciado /dǔbroːʋniːk/ , Ragusa en italiano) é unha cidade costeira da Croacia localizada no extremo sur da Dalmacia, bañada polo Mar Adriático. É un dos balnearios máis importantes do país, tamén é importante como porto e famosas as súas murallas perfectamente conservadas a través do tempo e das guerras e é a capital do condado de Dubrovnik-Neretva. Cunha poboación de 43.770 habitantes (censo de 2001), a maior parte dos seus habitantes é de orixe croata (88,39 %). Pola súa beleza natural e polo que representa para a historia, Dubrovnik é coñecida como "a perla do Adriático".

A cidade é considerada patrimonio da humanidade pola UNESCO. O seu patrón é Brais de Sebaste.