Svartifoss

Description

Svartifoss (euskaraz: Ur-jauzi Beltza), Islandiako Skaftafell Parke Nazionalean dagoen ur-jauzi bat da, baita parke nazional honetako atrakziorik ezagunenetako bat ere. Izena ematen dioten jatorri bolkanikoa duten basaltozko zutabe beltzez inguratua dago. Hexagono formako zutabeak, laba isuri baten barnean kristalizazio baten bidez eratuak izan ziren, laba, biziki motel hoztu zenean. Honen antzerako eraketak, Ipar Irlandako Erraldoien Galtzada eta Eskoziako Staffa uhartean aurki daitezke.

Ur-jauzi honen oinarria, harkaitz zorrotzez josia dago, zutabe hexagonalen zati berriak erauzten diren heinean, urak, bere ertzak kamusten ematen duena baino azkarrago.

Basaltozko zutabe hauek, Islandiako zenbait arkitekto inspiratu dituzte, adibiderik hoberenak, Reykjavikeko Hallgrimskirkja eliza eta Antzoki Nazionala direlarik.