Masai Mara (edo Massai Mara edo Maasai Mara) Kenyako hego-mendebaldean dagoen natura erreserba mitikoa da bereziki bertan ikus daitekeen faunaren ondorioz. Haren izena bertan bizi den herriaren izenetik, masai eta erreserba zeharkatzen duen ibaiagatik dator, Mara ibaia. Berez, Masai Mara Serengeti Parke Nazionalaren jarraipena da; biak ala biak Rift Haran Handian daude. Erreserba 1961an sortu zen.