Naveta des Tudons Espainiako Balear Uharteak autonomia erkidegoko Menorka uhartean dagoen historiaurreko hileta eraikin bat da. K.a. 1500 - K.a. 750 bitartean eraiki zen. Bertan gutxienez 100 lagunen gorpu hondakinak eta euren hileta objektuak topatu ahal izan dira: brontzezko eskumuturrekoak, hezur eta zeramikazko botoiak, etab. Menorka uhartean hobekien kontserbatutako historiaurreko hondakinen artean sailkatzen da.

1959ean zaharberritua izan zen eta gaur egun aztarnategia bisitariei irekia dago. Me-1 errepideko 40. kilometroan dago, Ciutadella de Menorca eta Ferreries udalerrien artean.