Ḷḷuarca (gaztelaniaz: Luarca) Espainiako Asturias autonomia erkidegoko Valdés udalerriko parrokia bat eta herriburua da. Kostaldean dago, Eo-Navia eskualdean, eta Oviedo hiriburutik 92 kilometro mendebaldera. 2010ean, ia 5.300 biztanle zituen. Bertako eliza Santa Eulaliari sagaratua dago.

Ḷḷuarca kostaldeko Donejakue bidean kokatuta dago. Hori dela eta, herrigunetik 2 kilometrora dagoen Almuña auzoan erromesentzako aterpe bat dago. Horretaz gain, aipagarriak dira Ḷḷuarcako itsasargia eta Ferrerako Markesaren jauregia. Herriko ekonomiaren oinarri nagusiak arrantza, nekazaritza eta turismoa dira.