Kizhiko Pogosta (errusieraz Погост Кижи) XVII. mendeko gune historikoa da, Kizhi irlan kokaturik dagoena. Irla hau, era berean, Onega lakuan dago, Kareliako Errepublikan, Errusia mendebaldean. Gunean, hesituriko eremu batek mugatzen duena, zurezko bi eliza handi (22 kupuladun Transfigurazioaren eliza eta 9 kupuladun Eskabidearen eliza) eta kanpandorre bat daude. Pogost hau bere edertasun eta bizitza-luzeragatik da ezaguna eta horren ondorioz, 1990ean UNESCOk gizateriaren ondare izendatu zuen eta 1993an Errusiako Ondare Kultural ere izendatu zuten.