Aeropuerto de Gibraltar
( Gibraltarko aireportua )Gibraltarko aireportua (ingelesez Gibraltar Airport edo Front Airport) Itsasoaz haraindiko britainiar lurraldea den Gibraltar hiriko aireportua da. Erresuma Batuko Defentsa Minsiterioaren jabetzakoa da, Royal Air Force eta RAF Gibraltar aire indar armatuek erabili ohi dutelarik. Bestalde, Gibraltar hirira ailegatu edo bertatik ateratzen diren bidaiariek ere erabili ohi dute.
Aireportua Gibraltar herrigunetik 500 metro eskasera dago, baita Espainia aldeko La Línea de la Concepción udalerriko erdigunetik distantzia berdinera ere.
2006. urtean bertatik 330.057 bidaiari eta 346 tona karga igaro ziren. Azkenaldian, Gibraltarrera doazen bidaiariez gain, inguruko Costa del Sol eta Campo de Gibraltar eskualdeetara doazen bidaiariak ere bertatik iragaten hasi dira.
Gehitu iruzkin berria