Frauenkirche (euskaraz Gure Amaren Eliza) Alemaniako Saxonia estatuko Dresden hirian dagoen eliza luteranoa da. Dresdengo Alde Zaharrean kokatzen da. 1726-1743 urteen artean eraikia izan zen, Bigarren Mundu Gerraren amaiera aldera Dresdenen bonbardaketan zehar erabat suntsitu zuten. Ordudanik, eta Ekialdeko Alemaniaren garai osoan hondakin egoera egon zen, modu honetara gerraren suntsipena oroitu asmoz. 1994an berreraiketari ekin zitzaion eta 2005an erabat amaitu zen. Azken berreraiketa hau aurrera ateratzeko helburuz mundu osoko laguntzaileen diru dohaintzak jaso ziren.
2005eko urriaren 30an ospakizun solemne baten bidez Frauenkirche eraikinaren bedeinkapena burutu zen. "Gerra monumentu" izatetik "elkar-adiskidetze ikur" izatera iragan delarik.
Gehitu iruzkin berria