"Costa Brava" izena lehenengo aldiz argitaratu zuen Ferran Agulló poeta eta idazleak "La Veu de Catalunya" egunkarian 1908ko irailaren 12an, kostaldearen zati handi batek eskaintzen duen paisaia harkaiztsu eta malkartsua kontuan hartuta.

1930eko hamarkadan lehenengo bainulariak hasi ziren modu esanguratsu batean hango hondartzak bisitatzen, baina 1950eko eta 1960ko hamarraldietan benetako gorakada gertatu zen, turismo eztanda bihurtuz.