Chester Ingalaterrako ipar-mendebaldean dagoen Cheshire konderriko hiriburua da. Gales eta Ingalaterraren arteko muga-muga kokatzen da, nahiz eta hiri ingelesa izan bere mendebal kanpoaldeko auzo batzuk Galesko lursailetan hedatzen dira. Dee ibaiak hiriaren erdigunea zeharkatzen du. Hiri bitxia da, bere erdiguneko kale nagusietako eraikinek duten arkitektura dela eta.

Hiria erromatar eta erdi aroko harresiez inguratuta dago (erromatarrek Deva deitu zioten hiriari). Hauek txango luzeak eginez hiri eder hau ikusi nahi duten turisten artean oso gustokoak direlarik. Hiriak katedral garrantzitsua ere badu.

Chesterren iparraldean Liverpool dago eta mendebaldean berriz Galesko Wrexham hiria eta Mold udalerria.