Bojniceko gaztelua (eslovakieraz: Bojnický zámok; hungarieraz: Bajmóci vár) Eslovakiako Bojnice udalerrian dagoen gaztelu bat da. XII. mendeko eraikina da, XIX. mendean zaharberritua, eta gaur egun Erromantizismo garaiko itxura izan arren, gotiko eta Berpizkundeko elementu batzuk ere gorde ditu. 1970ean Monumentu Kultural Nazional izendatua izan zen, urtero milak bisitari bertaratzen direlarik. Gainera, fantasia eta maitagarrien ipuinak gaitzat dituzten filmen ohiko eszenatoki ere bada.