Białowieża basoa (polonieraz: Puszcza Białowieska; bielorrusieraz: Белавежская пушча, Belavezhskaia Puxtxa) Europako azken oihan primarioetako bat da. Bertan ungulatu asko bizi da, tartean desagertzeko arriskuan dagoen Europako bisontea. 1945etik administratiboki Polonia (4.700 ha-ko Erabateko Erreserba) eta Bielorrusia (72.000 ha-ko Erreserba Berezia) artean dago banatua. Unescok Poloniako aldea Biosfera erreserba (1976an) eta Gizateriaren Ondare (1979an) izendatu zuen. Bielorrusiako aldeak 1993an eta 1992an jaso zituen izendapen horiek.