Vat Phu aŭ Wat Phu estas komplekso konsistanta el ruinigitaj temploj de la Ĥmera Imperio. Ili situas ĉe la monto Phu Kao, je 6 km de la rivero Mekongo, en la provinco Ĉampasako, en Laoso. Ĝi estis deklarita Monda heredaĵo de Unesko en 2001 nomata kiel Vat Phu kaj la antikvaj setlejoj ligitaj al la kultura pejzaĝo de Ĉampasako. Ĝi etendiĝas sur 39 mil hektaroj.

En ĉi tiu loko la unua templo konstruiĝis en la 5-a jarcento, sed la ekzistantaj strukturoj datas de la 11-a ĝis la 13-a jarcentoj.