Pa la islla danesa, vease Selandia.

Sealand (n'inglés: Principality of Sealand) ye consideráu internacionalmente como micronación, que la so forma de gobiernu ye la Monarquía parllamentaria hereditariu. El principáu proclama como territoriu soberanu propiu la plataforma marina Roughs Tower, construyida pola Royal Navy en 1942 y alcontrada nel mar del Norte, a diez quilómetros de la mariña de Suffolk, nel Reinu Xuníu, según agües territoriales nun radiu de doce milles náutiques.

Sealand foi ocupáu pola familia y acomuñaos de Paddy Roy Bates, quien autoproclamó el principáu y acuñó pa sigo mesmu l'apellativu de La so Alteza Real Príncipe Roy de Sealand. La población nes sos instalaciones escasamente entepasa de cinco persones y l'área habitable de la torre ye de 550 m².

Magar la falta de reconocencia de la so soberanía y llexitimidá, Sealand ye una de les micronaciones más conocíes del mundu y de cutiu úsase-y como un casu d'estudiu, de la manera na que los principios de Derechu internacional pueden aplicase a un territoriu en disputa.