Die Daintree Nasionale Park is in die verre noorde van Queensland, Australië geleë, sowat 1502 km noordwes van Brisbane en 100 km noordwes van Cairns. Die park is in 1987 gestig toe dit ook genomineer is as 'n Wêrelderfenisgebied. Die park bestaan uit twee dele met 'n gevestigde landbougebied daartussen wat die dorp van Mossman en Daintree insluit.

Die grootste deel van die nasionale park word deur reënwoude bedek. Die reënwoud bestaan reeds 110 miljoen jaar lank en is moontlik die oudste bestaande reënwoud in die wêreld. Die gewilde Mossman Gorge is aan die suidekant van die park geleë. Cape Tribulation is ook in die park geleë. Die park is ook die tuiste van die bouncing stones Aborigine terrein.